بعد ما امي ماټت

لحد ما اتجوز
الحلقه الاولى
وقبل ما احكي الحكايه عايزه اقولكم ان والله حاسه بندم كبير علي اللي انا عملته ده 
وبحكي مشكلتي علشان اي حد بيعمل اللي بعمله يتغير ويعرف ان الاب والام دول من نعمه 
كبيره لازم نحافظ عليها
في البدايه كده اعرفكم بنفسي أنا منار 
عندي 28سنه ولسه جاي ليا عريس وفي يوم 

ماما كانت في المطبخ دخلت وقولت
منار 
يا رب اللي انا اكون شميته غلط انتي عامله سمك النهارده وحماتي وعيالها جايين عندنا
الام 
يا بنتي حرام عليكي بقى هو لازم كل ما يجوا يبقى فراخ وبط وحاجات من دي نقضيها النهارده سمك وسمك مش وحش يعني
منار 
لا بقولك ايه انا مش هقدم الاكل ده هو انتي غاويه تكسفينا قدامهم انتي مش بتشوفي بيعملوا ايه لما بنروح ناكل عندهم
الام 
يا بنتي احنا بنروح كل شهر مره انما هما كل اسبوع عندنا وانت شايفه ظروف ابوكي عامله ازاي وعايزه اخلصلك جهازك بقى
منار 
ياختي طلعي من تحت البلاطه ما انا عارفه ان من يوم ابوكي راح وهو سايبلك فلوس وانتي شايلاها
الام 
يا بنتي انا نفسي اطلع عمره وبحاول اشيل المبلغ ده علشان اطلعها
منار 
انك تستري بنتك يا حبيبتي انتي كده طلعتي عملتي عمره هنفضل نتكلم كثير ولا ايه يلا يلا انزلي هاتي الاكل وبعدها دخل بابا 
وهو عامل يكح
الاب 
في ايه يا بنت كل واحده بتعيش على قد ظروف اهلها مالك عامله كده ليه
منار 
يا بابا بس حرام والله نقدم الاكل ده لما يجوا
الاب 
كلها كام شهر وهتتجوزي متبقيش تجيبيهم ياكلوا عندنا ثاني وفضل يكح
الام 
تعالى يا حاج خدي الدوا انت عملت كح جامد قوي وبعدها خرجوا وانا فضلت في المطبخ 
وقولت
منار 
والله انتوا اللي جبتوا لنفسكم بقى وبعدها خرجت جبت القطه وحطيتها قدام السمك والقطه الحمد لله كلت السمك كله وماما دخلت
الام 
ېخرب بيت عقلك انتي ايه اللي دخلك بس ده انا قافله باب الشقه وبعدها كنت فى الاوضه 
وماما دخلت
الام 
امسكي الناس قربت تيجي روحي هاتي لنا فرخه مشويه وعقبال ما اعمل شويه رز
منار 
كنتي عارفه انك بتحبيني ولا يمكن هتحبي تزعليني
الام 
يا اختي ده مش انا القطه اكلت السمك الله يسامحها يلا كل واحد بياخد نصيبه 
وبعدها نزلت وجبت فرختين وكفته وماما 
كانت عامله رز وعلي الاكل حماتي قالت
الحما 
جرى ايه يا ام منار هو انت ما كانش عندك وقت يا حبيبتي تعملي اكل ولا ايه جايبلنا اكل جاهز من بره
الام 
لا والله يا حبيبتي ظروف حصلتلنا بس علشان كده اشترينا الاكل
ممدوح 
عادي يا ماما مقيهاش مشكله قولت ايه يا عمي على موضوع اني عايزه اقدم ميعاد الجواز شويه
الاب 
يا ابني ازاي بس ما انت عارف انا مظبط نفسي على الوقت ده علشان خاطر ناقصني لسه حاجات كتير
الحما 
جرى ايه يا ابو منار هو انت مش عايز تفرح ببنتك ولا ايه
الاب 
وهو في حد ما بيحبش يفرح ببنته برده بس