سلفتي اخدت ابني الرضيع

سلفتي اخدت ابني الرضيع ورمتة 
وقبل ما بدا حكايتي اعرفكم بنفسي انا اسمي منار عندي 23 سنة لسه متجوزة جديد
وفي يوم لقيت جوزى راجع من الشغل بيقولي
ايه يامنار انتي هنا ومنزلتيش تحت عند امي ليه النهارده
منار
معلش يافارس اصلي صحيت متاخر وبعدين مش مرات اخوك معاها تحت
فارس
حتى لو مرات اخويا معاها انتي كمان لازم تبقى معاهم انا مش عايز مشاكل من اولها يامنار متخليش حد يقول مرات فارس قاعده في شقتها ومش بتنزل لحماتها

منار
خلاص بقا يافارس ماقولتلك هنزل انت هتعملي حكاية بقا ولا ايه
فارس
ولا حكاية ولا رواية ومن هنا ورايح يامنار ارجع من الشغل الاقيكي تحت عند امي وايد بايد ابتسام مرات عامر اخويا ماشي ياقلبي
منار بزعل
قلبك قلبك ايه بقا بعد مازعقت معايا
فارس
ايه زعلتي ولا ايه مانتي اللي بتجيبي الكلام لنفسك
منار
خلاص بقا يافارس الله هنزل لحماتي دلوقتي حاضر
فارس
طيب انزلي عشان هي لوحدها اصلا دلوقتي
منار
ليه هي ابتسام مرات اخوك مش عندها ولا ايه
فارس
لا ماما قالتي لي ان عامر اخدها وراحو للدكتور عشان موضوع الحمل اللي متأخر ده
منار
ربنا يكرمها يارب دي صعبانة عليا اوي يافارس الصراحة لأنها نفسها تخلف
فارس
ايوه يابنتي امال ايه ده بقالهم دلوقتي 7 سنين متجوزين ولسه مفيش عندهم عيال وامي بقا زي مانتي عارفه كل شوية تقول لعامر اتجوز اتجوز
منار
والله حرام لما تقوله كده طيب ولما يتجوز ماهي المسكينة مرات اخوك هتنقهر كده وتنكسر لا لا يافارس مامتك غلطانة انها تقوله كده
فارس
ملناش دعوه احنا يامنار وامي تقول اللي هي عايزاه وانا بقا عايزك تتجدعني كده وتجيبي لها انتي الولد اللي نفسها فيه ااه عشان امي ترضى عنك
منار
ربنا يستر بقا يافارس اصلي انا خاېفة من مامتك بصراحة عشان لو اتأخرنا في الخلفة احنا كمان طبعا ساعتها هاتقولك اتجوز اتجوز ياخرابي هو انت ممكن تسمع كلامها وتتجوز عليا يافارس ها ممكن
فارس.
يخربيت رغيك ما تخلصي يامنار وتنزلي لأمي بقا الله
ونزلت لحماتي وقالت لي
جرا ايه يامنار مش عايزة تنزلي ليه بقا
منار
ابدا والله ياماما ده انا كنت لسه نازله بس لقيت فارس رجع قولت اغديه وانزلك علطول
نجيه
ااه بحسب انك مش عايزة وبعدين اصل ابتسام مش هنا وقولت انك هتنزلي بدلها
منار
انا خدمتك ياماما اؤمريني عايزاني اعملك ايه وانا من العين دي والعين دي
نجيه
امممم عجبتني يابت وشكلي كده هحبك يامنار بس بقولك ايه انا عايزة البيت ده يتملي عيال عليا ااه انتي عارفه سلفتك ياحسرة مش عارفة تجبلي حتة عيل عامله زي الأرض البور
منار
ماهو مش بايديها برضو ياماما ده نصيب وبتاع ربنا برضو يعنى
نجيه
ااه منا عارفة انه نصيب ياختي وقدر ربنا بس برضو ابني من حقة انه يتجوز ويخلف ولا ايه
وفجأة اتصعبت وقالت
بت انتي شكلك كده هتخليني اقلب عليكي يلا ياختي ادخلي نضفي الشقه دي يلا
منار
حاضر حاضر
ورجعت ابتسام وعامر من برة وشكلهم حزين وحماتي قالت لهم
نجية
ها يا ابتسام ايه الاخبار طمنيني الدكتور قالكم ايه بقا
ابتسام ارتبكت كده وقالت
الدكتور ااه الدكتور قالنا ان شاء الله في امل مش كده ياعامر
عامر.
ايه ااه ااه انا طالع اااا انام شوية لحسن انا تعبان اوي عن اذنك يا أمي
نجية
ياختي هو جوزك مالو يا ابتسام شكله حزين كده ليه هو في حاجه حصلت يابنتي ولا ايه
ابتسام
لا لا ابدا ياماما مفيش حاجة هي منار مرات فارس جوه
نجيه
اه جوه بتنضف
ابتسام
طيب انا هدخلها جوه
نجيه قالت لنفسها
هو في ايه ياولاد مالهم ودخلت ابتسام وقالت
ابتسام
ازيك يا منار عاملة ايه
منار.
الله يسلمك يا ابلة ابتسام طمنيني عليكي عملتي ايه عند