مشكله معانا
قصه جديده واحده بتقولي أنا اتطلقت ورجعت اعيش في بيت اهلي معايا بنت وولد وليا اتنين اخوات صبيان متجوزين اتنين اخوات أنااتطلقت لان جوزي كان عصبي وبيمد ايدو عليا بس مش لما يكون في مشكله او من وقت لتاني لا دا ممكن كل يوم علي اي حاجه استحملت كتير عشر سنين آخر مره الض رب أخلاني سقطت كنت حامل في الرابع أنا مطلقتش علاطول جربت معاه كل الحلول وحاولت معاه بكل الطرق يعني أنا الطلاق كان بعد معاناه وطالعه منو تعبانه نفسيا وجسديا المهم رجعت بيت اهلي والدي مټوفي وامي عايشه في الدور التاني والدور الاول محلات والتالت والرابع لاخواتي المجوزين رجعت سكنت مع والدتي وفضينا محل لمېت في عزالي شويه كراكيب مهلوكه والطلاق تم ودي حكمو انو يدفع الف جنيه للوالدين كل شهر دفع اول شهر التاني وبعد كدا بقي يدفع شهر اه وشهر لا وحتي لما يدفع يبعت ٦٠٠او ٥٠٠المهم أنا لما رجعت بخدم امي وبعمل كل حاجه وبروح الغيط وبنضف للطيور بعمل بلقمتي بمعني اصح بقوم من بعد الفجر اروح الغيط ارجع انضف للطيور اعمل فطار حريم اخواتي يصحو الساعه ١١اكون مجهزه كل حاجه حتي اكل الغدا اول شهر كنا تمام وبيعاملوني كويس بعد كدا بقي ابنك عمل بنت عملت هما معاهم عيال بردو يزعقو للعيال شويه شويه بقي يض ربوهم وامي كمان دايما تدافع عن عيال اخواتي والعيال طبعا مبتريحش سواء عيالي او عيالهم بس دايما يطلعو عيالي هما الي وحشين اخواتي حاسين ان هما كانو مرتاحين وان أنا بلوه وجاتلهم طبعا من شهرين كدا بدات المعامله تبقي من غير نفس من اخواتي وامي والحريم وامي اكتر منهم كمان دايما قرفانه ودايما تشتكي من العيال ومني ومش عاجبها اي حاجه بعملها خالص أنا حاسه انها مش امي والله معاملتها معايا ومع العيال زي الزفت لو عيال حرك حاجه من مكانها تعمل حوار عايزين العيال يقعدو في مكانهم ميقوموش منو طب دول عيال اعمل فضلو يزهقو فيا وعدينا بقي مرحله التلقيح وبقي شتيمه ومعايره عيني عينك وبصات بقرف ونفخ وعملو معايا مشكله وقاطعوني حريم اخواتي ودول اخوات يعني عاملين ربطيه عليا وامي نصفتهم وقالو يا احنا ياهي ونتعزل ونعيش لوحدنا امي كانت ممكن تقول ماشي ما كدا كدا أنا معاها وهخدمها قالتلي لا انت ممكن تجوزي ترجعي لجوزك هما الي دايملني فكان الحل اني نزلت نضفت البدروم ووضبتو وعملت في حمام وخدت عيالي وفرشت عزالي وقعدت في البدروم أنا وعيالي وطلعت اشتغلت عشان النفقه مبتكفيش اقفل علي العيال واحطلهم اكل وطلع اشتغل ولما مقفلتش وسبت عشان يطلعو عن ستهم فوق اجي الاقي المشاكل مقبلاني عيالك عيالك عيالك حتي امي معندهاش رحمه ليا ولا لعيالي بقيت اقفل عليهم تلت سنين مزلولين عايشين في بدروم أنا وعيالي بنام علي ونقوم وناكل ونشرب في لحد ما في يوم ابني وابني اخويا ضړبو بعض جامد وابن اخويا اټعور فراحت مرات اخويا ضړبت ابني لحد بهدلتو جامد وجه اخويا من برا كمل عليه كل دا وانا في الشغل وكسروه وسابوه مرمي الجيران الي جرو بيه جيت لقيتو متجبث وعرفت الي حصل وهنا بقي كانت القطيعه بيني وبين امي واخواتي طبعا البيت بتاع ابويا طلبت ورثي واطلع اشتري براً ان شالله اوده واعيش وليا ارض كمان قالولي انتي خدتي جهازك وجوازتك ملكيش حاجه ابوكي كاتب كل حاجه لامك وامك هتكتبلنا كل حاجه بقيت بتعامل علي اني عاله بلوه وقالولي عيشي في البدروم بدل ما نرمي العيال دي لابوها ملهمش حق يعيشو هنا ونظام تزهيق بقي ليا يضايقوني بكلام بدلق ميه لحد ما زهقت وعيالي حاسين بالاهانه أنا قدامي حل من اتنين دلوقت مش عارفه اعيش ارفع قضيه واخد ورثي بس في احتمال يكون ابويا كتب لامي فعلا مش كلام بيقولوه وخلاص وساعتها هعمل ايه اروح لطليقي واقولو رجعني ولو وافق اعيش وخلاص واهي كانت علقھ كل كام يوم والدنيا ماشيه أنا مش مرتاحه كدا ولا كدا اعمل ايه حد يدلني أنا دبلوم وبشتغل في مصنع ودخلي يادوب مكفي العيال مش هعرف ااجر مكان تاني وشغل مش ثابت يعني الدخل مش ثابت ولا ادي العيال لابوهم ولا اسيب البلد واطفش منها أنا وعيالي ولا اريح نفسي من الدنيا والي فيها ولا اعمل ايه حسبي الله ونعم الوكيل في كل اهل بيزلو بنتهم بعد ما تطلق ويعاملو عيالها معامله وحشه ويحسسوها انها عاله عليهم شورو عليا اعمل ايه 😭😭😭😭😭
