لماذا يا قلب بقلم بسنت زين
المحتويات
لماذا يا قلب بقلم بسنت زين
كنت قاعدة فى البلكونه بتاعتنا وادهم فى البلكونه اللى جانبي
.. ادهم انا بحب يونس
بصلى وكملت..انا معجبه بيه من واحنا صغيرين اه مش بيتكلم معايه شبهك بس معجبه بيه
بصلى بنظرة مشفتهاش منه قبل كدة مش عارفة احدد معناها
ضحك.. صحبتى كبرت ووقعت فى الحب
ماما نادت عليه استاذنت من ادهم ودخلت
تانى يوم طلعت صبحت على ادهم وشربنا القهوة مع بعض شبه ما احنا متعودين
.. زينه
بصتلوا
..هتعملى ايه النهاردة
.. هروح المكتبه اشترى كتاب جديد نزل اسمه شدنى ليه فعاوزة اشوفه
لبست وروحت خبطت عليهم ..يا اهل الداااار عمتو يا ام ادهم يا سوسو
يونس فتحلى واتوترت ابتسمت له.. ازيك يا يونس عامل ايه
.. الحمد لله
قلى كدة ودخل ..يخربيت برودك يااخى
..بس بحبك
..ادهم يلا انا خلصت
ادهم طلع ونزلنا ركبت معاه العربيه اول مرة اشوفه مش بيتكلم معايه ولا بيهزر
بصلى .. اه كويس بس مصدع شويه
..امم هصدقك
..طب يلا نروح
روحت ولقيت ماما بتقولى خطوبه يونس الاسبوع الجاى
.. تمام يا ماما
دخلت اوضتى وأنا بفكر وبسأل نفسي..هو ده ممكن يحصل اااه نمت من كتر التفكير
صحيت بليل وطلعت البلوكنه وفضلت ابص للسما
.. احممم زينه
.. انا اسف يا زينه عارف انك هتكونى زعلانه
..مش زعلانه يا ادهم انا قيلالك ان ده اعجاب بس
.. عارف لو هتكونى زعلانه مش هتبينى اتمنى تنسى
ابتسمت بتكلف وقلت له.. هروح احضر الفستان لبكرة بقا ده فرح الغالى
.. اشطا وانا اروح اقعد مع يونس شويه
فضلت اقرا الروايه الى انا جبتها محستش بالوقت ونمت وتانى يوم بيتنا وبيت ادهم كان مشغول كنا بنزين الجنينه اللى تحت عدى الوقت مع تعبى بس اعمل ايه بقا جهزت نفسى ونزلت
.. شكرا شكرا عارفة ان انا جميلة
.. متواضعه اوى
.. اوى اوى
يونس دخل هو وخطيبته كان شكلهم حلو فرحتله كان فرحان اوى مع خطيبته اتمنيت له الخير وطلعت برة لان انا مش بحب الزحمه ولقيت العيال بتلعب لعبت معاهم وانا بشوط الكورة جبتها فى واحد
.. اجرى ولا اكنى عملت حاجة وبما ان الجرى نص الجدعنه جريت.
اتمشيت وروحت السوبر ماركت اشتريت شوكلاته وبيبسى روحت احاسب لقيت حد بيقولى
.. مش المفروض لما تخبطى حد تشوفيه هو كويس ولا لا وتعتذرى
اتحرجت اوى اسكت لا .. ما انت مش شايف كنت ابعد عن الكورة قبل اما تيجى فيك
.. انا لو شوفتها كنت بعت
.. اسفه ليك
.. ولا يهمك
مشيت ورجعت الحفلة تانى لقيت ادهم بيدور عليه
.. كنتى فين يابنتى سيبانى لوحدى كدة والى هنا كلوا كابلز وانا لانى سنجل محترم قاعد كدة
.. سنجل مين يا عم حاسب كدة
.. دخلت وروحت باركت ليونس
.. الف مبروك ليك يا يونس
.. الله يبارك فيكي عقبالك
رجعت قعت مع ادهم والقعدة مخلتش من النم
.. بص يا ادهم البت ام اتنين كيلوا بوهيه دى
.. ولو مكنتيش بنت زيها
.. اسف ازاى نسيت معايه صاحبى الشويش عطيه
.. انا شويش عطيه يا ادهم طب يلا شوف انت هتقعد مع مين
.. راحه فين يا بنتى بهزر معاكى
.. روح شوف هتعمل ايه يا ادهم دلوقتى
.. لا مش هقدر على زعلك يا جميل
.. بتثبتنى
رد بكل برود .. ايوة
.. وانا فعلا اتثبت
ضحكنا وقعدنا شويه والحفلة خلصت ويونس راح يتفسح هو وخطيبته انا دخلت صليت
متابعة القراءة
