عمو عمو ممكن اسالك سوال
المحتويات
وبس طيب ما سألتش نفسك انا عيشت السنين دي كلها ازاي
الممرضه جت تجرى علي الصوت العالي
الممرضه انت بتعمل ايه يا استاذ..
الامن نادوا الامن بسرعه
غالب أمن ايه وبتاع ايه سيبها ياعاصي سيبها دلوقتي
عاصي انا لازم افهم مش هينفع اسيبها ياغالب
غالب وهو ماسك عاصي وبيزق فيه وبيطلعه برا هتفهم كل حاجه ياعاصي بس مش دلوقتي انا كمان عايز افهم اكتر منك بس كل حاجه وليها وقتها
والممرضه قعدت مع فيروزه ومنعوا اي حد يدخل عليها
غالب وقف بره في الطرقه هو وعاصي
غالب اهدى ياعاصي مش كده
عاصي طلع سېجاره من جيبه وبقي يدور علي الكبريت في جيوبه مالقاش غالب طلع الكبريت من جيبه وحدفه لعاصي
عاصي ۏلع السېجاره وكأنه بيطلع فيها كل همه
غالب انت فاكر اني مش عايز اعرف ازاي هي مماتتش انا زيك ويمكن اكتر منك كمان بس كل حاجه بالعقل
احسان جت وهي بتمد وبدور علي غالب
احسان غالب انت كنت فين انا كنت بدور عليك
غالب ليه بدور جرالها حاجه
عاصي بدور.. مالها بدور فيها ايه
غالب انا كلمتك في الفون وقولتلك انها اكلت حاجه مسممه
عاصي وازاي ماتقوليش
عاصي هي فين دلوقتي
احسان احنا جيبناها المستشفي هنا.. وعملنالها اللازم وهي هتبقي كويسه دلوقتي
عاصي والټسمم ده جالها من ايه
احسان اكيد انتوا اكلتوا حاجه بره وانتوا كنتوا سوا منتهيه الصلاحيه عملتلها ټسمم
عاصي مافيش حاجه بدور اكلتها واحنا سوا انا ما اكلتش منها.. اكيد في حاجه تاني هي فين دلوقتي
عاصي خليك هنا ياغالب اوعي تتحرك من هنا خللي بالك من فيروزه لحد ما ارجع
غالب ماتقلقش مش هتحرك من هنا
احسان فيروزه
غالب سابهم ومشي وراح لبدور
احسان هو عاصي يقصد مين بفيروزه
غالب فيروزه دي تبقي حبيبه عاصي القديمه
غالب وانتي عرفتي منين بقي انها ماټت
احسان بتوتر انا. انا سمعت قبل كده يعني انه كان بيحب واحده وماټت
غالب بابتسامه خبيثه رفع حاجبه وبص لاحسان علشان عارف انها معجبه بعاصي لاء.. تؤ.. تؤ.. ما ماتتش وطلعت عايشه..
احسان في سرها يادي النصيبه هى ناقصاها هي كمان
احسان بتوتر انت.. انت تقصد ايه
غالب ولا حاجه لسه.. لسه لما اتأكد هقولك انا اقصد ايه
احسان في نفسها يادي المصېبه انا مش نقصاك انت كمان
بقلمي مآآهي آآحمد
عاصى راح لبدور لقاها نايمه وبترتاح
عاصي راح للدكتور هي عامله ايه دلوقتي
الدكتور احنا عملنالها غسيل معده ولحقناها الحمدلله.. بس دي حاله ټسمم واضحه
عاصي تقصد ان حد سمها
الدكتور مش بعيد.. لسه هنعمل التحاليل اللازمه وهنعرف كل حاجه
عاصي ساب الدكتور ومسك ايد بدور
عاصي اسف يابدور.. اسف اني ماقدرتش اسمع اي حاجه من اللي قالها غالب في الفون.. انا كنت في دنيا تانيه ربنا وحده العالم انا كنت في ايه.. انا عارف انك وقفتي جنبي كتير وانقذتيني اكتر واليوم اللي تحتاجيني فيه واحد تاني ينقذك غيري..
احسان كانت واقفه بره وبتسمع كل اللي قاله عاصي لبدور
ومن كتر التعب فضل ماسك ايد بدور وسند راسه علي ايدها ومن كتر التعب اللي كان فيه غمض عنيه ڠصب عنه ونام
احسان وهي واقفه من بره
احسان وبعدين هعمل ايه في المصېبه دي عاصي لو عرف ان انا اللي سممتها هتبقي مصېبه.. لسه بتكلم نفسها بس لاء انا مش هخليه يعرف.. ماينفعش يعرف.. ما انا مش بعد ده كله هخليك تبعدني عنك ياعاصي
غالب وقتها كان قاعد قدام باب الاوضه بتاعت فيروزه
ومره واحده النوم اخده ونام ماحسش بنفسه لحد تاني يوم الصبح
الممرضه يااستاذ.. يااستاذ ماينفعش تنام هنا
عاصي قام مخضوض ونطق اسم فيروزه فيروزه..
الممرضه فيروزه مين حضرتك.. انا الممرضه مروه وحضرتك نايم هنا طول الليل وماينفعش كده
عاصي بلع ريقه وبص علي بدور لقاها لسه نايمه
قام من جنبها وراح لاوضه فيروزه لقاها بتحاول تقوم من علي السرير علشان تمشي
عاصي فيروزه انتي رايحه فين
فيروزه زي ما انت شايف بحاول امشي..
عاصي تمشي تروحي فين هو انا هسيبك تمشي بسهوله كده
فيروزه عادي ما انت كنت عايز تقتلني بسهوله برضوا كده
عاصي انتي خونتيني.. عارفه يعني ايه خونتيني.. طلعتي شمال
فيروزه عوجت راسها يمين لا والله وانت بعد السنين دي كلها لسه مصدق الكلام اللي قالهولك اخوك
بقلمي مآآهي آآحمد
عاصي انا صدقت اللي شوفته بعنيا
فيروزه حاولت تقف علي رجليها بس حرفيا رجليها مشروخه ومش قادره تقف عليها قعدت تاني علي السرير
فيروزه خلاص يبقي ده اللي حصل طالما انت عايز تصدق كده انت ماتستاهلش حتي اني اقولك ايه اللي حصل
عاصي اوعي تكوني جايه تأكدي الكلام اللي قاله رفيق وان اخويا هو اللي عمل كل ده
فيروزه بكل برود ولا هأكد ولا هقولك اي حاجه ياعاصي والله ما تستاهل
عاصي اتنرفز اكتر اتغيرتي اوي يافيروزه
فيروزه لو عيشت يوم واحد من اللي انا عيشته كنت عرفت انا اتغيرت ليه
عاصي كنتي فين السنين دي كلها
فيروزه ماتستاهلش انك تعرف حاجه قولتلك
عاصي وانا مش هسيبك تمشي بالسهوله دي بعد السنين دي كلها
فيروزه يعني ايه.. هتقتلني تاني ما دي اسهل طريقه عندك القتل فاكر ولا افكرك
في نفس الوقت
بدور فاقت واحسان دخلت عليها
بدور انا.. انا فين
احسان برفعه حاجب وهي مربعه ايديها الاتنين حمدالله علي السلامه ياست بدور
بدور حطت ايدها علي دماغها وكانت دايخه انا.. انا فين وبعمل ايه هنا
بدور ابتدت تفتكر انها بعد ما أكلت التفاحه جالها مغص وقعت في الارض وبقت بطنها تتقطع
بدور التفاحه .. وبعد كده بقت تفتكر غالب وهو شايلها وبيجرى بيها علشان ينقذها
بدورالتفاحه اللي اكلتها وغالب اللي جابني هنا
احسان ايييييييوه مظبوط كده.. اديكي افتكرتي كل حاجه
بدور انتي اللي سممتيني.. التفاحه كان فيها حاجه
احسان براڤو عليكي شاطره يابدور.. ماطلعتيش غبيه خالص
بدور طيب وليه انا عملتلك ايه
احسان مافيش انتي ماعملتيش حاجه
احسان قربت من بدور ووطت وبقت وشها في وش بدور
احسان انا بس اخدتك سلم علشان الاقي حجه اقعد بيها اكتر في ڤيلا غالب وعاصي وابقي قريبه من عاصي
بدور تقومي تسمميني..
احسان انا اعمل اي حاجه علشان ابقي جنب عاصي
بدور بعصبيه
متابعة القراءة
