يا خالد بالله عليك انا خاېفه
المحتويات
كل اللي حواليها فقامت معاها
في عربية جاد
ملاك باستغراب أنا مش فاهمة أنت اخدتني و مشينا فجأة ليه و بعدين سبنا ماما و سما و چنا
جاد بابتسامة مراوغة
ماما و سما و چنا هيجوا مع مصطفى و ليه اخدتك وفجأة كدا علشان زهقت من القاعدة هناك و فكرت كدا قلت ليه مهربش و اخدك معايا
ملاك بابتسامة طب هربنا هنعمل ايه
بعد مدة رجعوا القصر
ملاك خرجت من اوضة
الملابس بعد ما غيرت فستانها و لابست بجامة مريحة لقيت جاد قاعد على طرف السرير
رفع عنيه و ابتسم لها
جاد تعالي يا ملاك
قعدت جانبه لقيته بيطلع علبه قطيفه صغيره من الدرج ابتسم و هو بيطلع منها خاتم الماس شكله جميل
مسك ايدها و لابسه ليها
جاد بابتسامة ايه رأيك حلو
ملاك بتوتر دا شكله غالي أوي
جاد يا ستي هو أنا قلتلك ادفعي حقه دا خاتم جوازنا اصلا أنا فكرت كدا و عرفت اني مجبتش ليكي اي حاجة من وقت ما اتجوزنا و بعدين هو مش غالي اوي يعني المهم عجبك
ملاك بابتسامة و هي بحاوط رقبته بدلال
اوي شكله جميل اوي...
جاد ابتسم بحب
مصطفى وصل البيت و معه و والدته و چنا و سما
چنا لمحت عربية جاد مركونة برا نزلوا من العربية و دخلوا البيت كلهم
فاطمة بصوت عالي ندت على الشغالة يا توحة بت يا فتحية
فتحية جيت بسرعة و باين انها كانت نايمة
نعم يا ست فاطمة
فاطمة مشوفتيش جاد بيه
فتحية بحرج كان هنا هو و ملاك هانم
سما ايوة يعني هو راح فين دا سبنا من ساعتين تقريبا
تلاقيه في اوضة الجنينة بيخلص شغل كالعادة
مصطفى جيه بعد ما ركن العربية و سمعهم
لا جاد مش هناك الاوضة فاضيه تلقيه فوق لان عربيته مركونة برا
فاطمة بابتسامة ربنا يسعده.... ياله يا مصطفى خد مراتك و اطلع و انا هستني ابوك على ما يجي هو و سليم
چنا طلعت اوضتها و هي متضايقه من نفسها انها اول ما خرجوا مخرجتش وراهم
كانوا قاعدين على السفرة و الفطار ادامهم كلهم صحيوا متأخر لأنهم كانوا سهرانين في الفرح
الحج محمد
_غريبة جاد اول مرة يتأخر كدا دا مشي قبلنا كلنا امبارح معقول لسه نايم لحد دلوقتي دا الساعة 8بالظبط بيكون بيفطر
فاطمة بابتسامة خبيثة
ما تسيبه يا حج يعني هو كل يوم لازم يصحى على معاده بالظبط تلاقيه كان سهران و بعدين دا عريس جديد
فتحية يا فتحيه
فاطمة في ايه يا چنا براحة و بعدين ما تتكلمي بصوت واطي
فتحية بسرعة ايوة يا هانم
چنا بحدة و هي بتفرغ فيها ڠضبها
بقالي ساعة بنادي عليكي انتي اطرشيتي
سما في ايه يا چنا براحة مش كدا انتي تكلميها كدا ليه
چنا بغرور و تكبر انا اكلمها زي ما انا عايزاه انا چنا الشافعي و بعدين دي حته شغاله لا راحت و لا جيت
محمد پغضب و حدة و هو بيضرب على السفرة پغضب
و انتي هنا في بيت المحمدية يعني اللي يقعد فيه يقعد بادبه
و بعدين كلنا خدامين لقمة العيش
سما بضيق معليش يا فتحية اصل في ناس جواها كبت و ملقتش غيرك تعرف تطلعه عليه
چنا بهدوء امشي اطلعي لجاد بيه و قوليله اننا مستنينه على الفطار...
فتحية مشيت و هي مفوضه أمرها لله من أعمال چنا و هي بټلعن الحوجة اللي خليتها تشتغل عند واحدة زي دي
فتحية لنفسها ربنا على الظالم و الله تستاهلي اللي مراته تعمله فيكي
في أوضة جاد
صحي على صوت خبط على الباب فتح عنيه بنوم ابتسم و هو شايف ملاك نايمة
جاد بصوت عالي نسبيا مين
فتحية انا فتحيه يا جاد بيه... چنا هانم بعتاني اصحى حضرتك
جاد طيب روحي أنت دلوقتي...
جاد ابتسم بخبث و هو بيصحي ملاك
ملاك.... ملاك.. قومي يا حبيبتي....
ملاك بنوم و عدم وعي
_أنا عايزاه أنام
جاد ملاك فوقي... قومي
ملاك فتحت عنيها بنوم و بصتله بخجل و هي بتبعد
جاد بابتسامة صباحية مباركة يا حبيبتي
ملاك بابتسامة صباح الخير.... هي الساعة كم
جاد تجيلها احداشر و نص
ملاك احنا تأخرنا اوي زمانهم تحت بيقولوا..
جاد بابتسامه خبيثه بيقولوا ايه و بعدين تلقيهم اصلا لسه صاحين لان اكيد جيهم من الفرح متأخر
ملاك بخجل بس احنا سبناهم من بدري و انا مكسوفة انزل
جاد بابتسامه متشغليش بالك بيهم و بعدين واحد و مراته محدش ليه عندهم حاجة .... ياله كفاية توتر
بعد مدة
جاد كان اخد دش و قاعد مستنيها لحد ما تخرج و هو فرحان ملاك خرجت من أوضة الملابس لابسه دريس طويل احمر و حجاب اوف وايت بصتله بتوتر
جاد بدهشة انتي دا كله ما غيرتيش
ملاك باستغراب مانا لابسه اهو.
جاد پغضب احمر.... لا على جثتى
ملاك وفيه ايه ماهو محتشم اهو
جاد ملاك ماتجننينيش لا لا احمر.. احمر لأ... اى لون تانى غيره.
ملاك بقوه بس هو عجبنى وكان نفسى البسه... أظن
متابعة القراءة
