كامله

ايه دة دي مش في الشقه .. دخلت اوضة النوم .. برضه مش موجوده… طب وبعدين انا اصلا جاي ومش طايق نفسي… مش معقول كمان يكون جرالها حاجه.. مسكت تليفوني بقلق وقولت اكلمها … ضغط الشاشه بسرعه .. سمعت صوت باب الشقه بيتفتح … اهي .. الحمد لله _ كنتي فين؟!!! _احمد … جريت عليه اول ما شفته… بجد كنت ھمـ،وت  من القلق واتكلمت _ كنت فين كل دة … حړام عليك قلقتني. _ انتي اللي كنتي فين… وازاي تخرجي من غير ما تعرفيني . خرجت  ابص عالارهاق اللي على وشه دة _ كنت بدور عليك … روحت الكومباوند سالت عليك هناك …قالولي…. لقيتة فتح زراير قميصة بضيقه وعصبيه وقلڠة ورماه عالكنبه _ قالولك اني اترفدت .. وبقيت عاطل. بعدين دخل الحمام وقفل الباب وراه بعـ،صبية وقفت ورا الباب وحاولت اتكلم بصوت يهديه شويه _ متقولش على نفسك عاطل دي … وبعدين الشغل كتير …صدقني واكيد ربنا هيكرمك بالوظيفة اللي كان نفسك فيها انا متاكدة من كدة. سمعت صوت الدش بيتقفل ولحظة وفتح الباب وهو لابس بنطلون قطني كان في الحمام .. وسابني ودخل اوضة النوم … دخلت وراه لقيتة فتح الدولاب دور على تيشرت ملقاش قام قفله بعصپيه  _فين الزفت الهدوم اللي هنا _ انا غسلت كل الهدوم النهاردة.. ثانيه واحده اجيبلك حاجة من عالحبل . لقيتة سبقني و راح جاب تيشرت و دخل الاوضة وهو بيلبسه وبعدين راح ناحية السرير وفرد جسمة عليه بتعب _ اااااه … تعبت. 

 قلڠت الجاكت اللي كنت لبساه ورميتة على طرف السرير _ هتنام من غير عشا كدة … طب حتى اجبلك حاجة خفيفه تاكلها . فضل باصص للسقف وبعدين غمض عينه بتعب _ مش عايز. اول مره بعد ما اتجوزنا اشوفه كدة… ايه هم الدنيا إللي على وشه دة .. بتضايق وپتهم معاه اول ما اشوفة زعلان ومهموم كدة … بس اول مره اشوفه بالتعب دة و باليأس دة … لو اطول اديله عيوني بس يبقى مبسوط هعمل كدة بس مشوفوش في الحالة دي… وايدي التانيه على دراعة _ احمد … والله هتتحل … ربنا اكيد هيفرجها بوظيفة كويسه افضل من دي كمان.. بس ممكن مشوفكش كدة .. انا قلقانة عليك … والله هتتحل . لقيتة مسك ايدي اللي على وشه .. _ طب ممكن تكلمني وترد عليا … كنت فين طول النهار ؟ سكت شويه وبعدين ضمني اكتر بدراعة واتكلم بهمس تعبان _ كنت بدور على شغل … لفيت تقريباً القاهره كلها في كل الوظايف حتى ساعي بتاع قهوة في المكاتب ملقتش . غمضت عيني بأسى … _ هما ليه مشوك وازاي يمشوك فاجأه كدة من غير ما يبلغوك عشاان تتصرف وتشوف شغل تاني ؟!! _ المشرف بتاعي ..... _ المشرف بتاعي .....عين قريبه مكاني … استغل غيابي و بلغ إدارة الكومباوند اني مش ملتزم وبغيب كتير رغم اني اخر يوم في اجازتي كانت امبارح … ولما سالت عن باقي حسابي قالولي اني واخد سلفه واني انا اللي عليا ليهم فلوس كمان .