روايه رائعه

بعدين شالها و نزل بيها بسرعه ..
قاسم طالع السلم شاف فهد و هو نازل و شايل ماسه و الډم نازل علي وشها راح قال هي مالها و أنت الي عملت كده ..
قاسم نازل وراه و بيزعق انت الي عملت كده انطق ..
الجد في أي يا قاسم صوتك عالي لي ..
قاسم البيه حفيدك الغالي شكله ضارب
الجد بقلق هما فين دلوقتي ..
قاسم نزل بيها أكيد هيوديها المستشفي ...

الجد طب رن عليه شوفوا راح انهي مستشفى خلينا نروح وراهم ..
قاسم حاضر يا جدي ..
آيلان نازله علي السلم شافت بقع الډم فضلت تصوت ..
الكل اتلم عليها و كانوا خايفين أوي ...
رانيا خير يا لولي ..
صفيه اهو خلصنا من آيلان تطلع لينا لولي ..
رانيا أي القرف ده و ډم
مين ده ..
قاسم مفيش يا ماما ده ډم ماسه اصل اتخبتط و اتعورت في دماغها ..
رانيا اتخبتط بردو و لا فهد ضرابها ما هو واخد علي طريقه الهمجيين ..
الجد مش معني انك مرات ابني تتكلمي براحتك علي فهد لأ انتي لازم تلزمي حدودك في البيت ده ..
ريتال انزلوا انتوا و انا و صفيه هنمسحه ..
كلهم فضلوا قاعدين في الصاله بتاعت البيت مستنين فهد و ماسه يجوا ...
في المستشفى
الدكتوره هو حضرتك اتخبتطي ازاي كده ..
ماسه مفيش كنت دايخه شويه و وقعت ..
الدكتوره هو انتوا متجوزين جديد ..
فهد هنعمل تحقيق و لا اي ..
الدكتوره لأ و لا حاجه انا أصلا خلصت ..
فهد كويس ..
الدكتوره أهي رشته بالعلاج الازم و بتاخد بالميعاد ..
ماسه اخدت منها الورقه و قالتلها شكرا ..
الدكتوره العفو..
بعد شويه وقف فهد عند الصيدليه عشان يجيب العلاج الي الدكتوره قالت عليه و يغير علي أيدو..
الدكتور الي في الصيدليه حضرتك دي عايزه خياطه ..
فهد ايوه عارف انا بس عايز أغير عليها ..
ماسه من ورا شوف حضرتك اللازم و اعمله ..
الدكتور بدأ يطهر الچرح و يمسح الډم الناشف من علي أيدو ..
فهد كان پيتألم ..
ماسه مسكت أيدو التانيه و بدأت تتكلم معاه عشان ينسي الۏجع ...
بعد شويه الدكتور خلص و لف الچرح و كتب لفهد علي علاج لازم يتاخد عشان الچرح يقفل 
خرج فهد و ماسه من الصيدليه و ركبوا العربيه ...
في قصر عبد الحميد الدمنهوري
الجد رن يا قاسم يا بني علي ابن عمك شوفه فين ..
قاسم برن يا جدي مش بيرد ..
الجد معلش يا بني رن تاني خلي قلبي يستريح ..
قاسم حاضر يا جدي ...
ريتال قاعده جمب صفيه و شغالين يتكلموا علي آيلان ..
آيلان علي فكره انا سمعتكم و هقول لمامي ..
صفيه ضحكت عليها و قالت مامي طب يلا يا بتاعت مامي ..
رانيا خير يا لولي زعلانه لي ..
آيلان ريتال و صفيه شغالين يتريقوا عليا و علي كلامي ..
رانيا قالت يا قلب ماما دول أصلا غيرانين منك عشان انتي أحلي منهم و بعدين مشيت عشان جوزها كان بينده عليها ..
صفيه نغير من أي بلا نيله قال نغير قال يلا يا لولي يا قلب ماما من هنا
ريتال مش عيب عليكي و انتي بغاله عندها 22 و لسه بتقول مامي و بابي ..
آيلان أنتي مالك أنتي و هي ..
صفيه مالي في جيبي يا أختي يلا بقا من هنا يا ست لولي ...
آيلان اتعصبت جدا و سابتهم و مشيت ..
ريتال و صفيه فضلوا يضحكوا عليها ...
فهد نزل من العربيه و و فتح الباب لماسه بعدين دخلوا .
لكن اتصدموا لما شافوا العيله كلها طالعه برا ..
ماسه بتكلم فهد هو في أي ..
فهد خير يا جدي طالعين بره في الوقت ده لي ..
فهد كويسه اهي يا جدي و بعدين ده چرح بسيط ...
الجد طلع مراتك الاوضه فوق و 5 دقائق و تكون عندي ..
فهد حاضر و اخد ماسه و طلع ..
آيلان مسكت أيد فهد و قالتله أيدك ماله يا فهد ..
فهد سحب أيدو و قال مفهاش حاجه ..
آيلان أمال لافف أيدك لي ..
ماسه سحبت أيد فهد منها تاني و قالت علي فكره انا موجوده ها و سابتها و طلعوا ...