روايه سليم وعشق كامله
المحتويات
لسه هستنى التحليل
زياد اومال هتعمل ايه
سليم اكيد امها هى اللى عارفة الحقيقة ولو كذبت هطلع بروحها فى ايدى
زياد اهدى يا سليم ... سليم استنى .....سليم
ذهب سليم إلى المخزن وأمر رجاله بأن يحضروا أم عشق فى غرفة منعزلة عن الجميع
الأم سامية انت عاوز منى ايه
سليم هسألك سؤال لو جاوبتى عليه بصراحة هسيبك انتى وجوزك وابنك بس لو كدبتى هدفنكوا هنا
سليم مين أبو عشق الحقيقى
سامية بإرتباك ايه اللى انت بتقوله ده مين اللى قالك أن محسن مش ابوها
سليم بس أنا مقولتش انه مش ابوها انا سألتك مين أبوها
سامية هيكون مين يعنى ....محسن جوزى
سليم خليكى فاكرة انى قولت لو كدبتى عليا هقتلكوا
سامية پخوف وانا هكدب عليك ليه ....وبعدين لو هى مش بنت محسن هتكون بنت مين يعنى
سامية ايه اللى انت بتقوله ده انا اتجوزت محسن وبس
سليم يعنى عثمان التهامى مش جوزك التانى
سامية انت عرفت الكلام ده منين
سليم بصړاخ انا مبحبش الكدب وانا هنا اللى أسأل وبس وانتى تجاوبى ....هتتكلمى ولا تموتى
سامية لأ لأ خلاص هتكلم بس سيبنا فى حالنا
سليم سامعك
سامية بعد ما خلفت احمد ابنى ب خمس سنين حصلت بينا مشاكل انا وجوزى واطلقنا وبعدين كان عاوز يرجعنى علشان خاطر ابننا ميتبهدلش بينا بس كان لازم محلل وفى الوقت ده كان محسن شغال عند عثمان بيه ف طلب منه أنه يتجوزنى وبعد كدة يطلقنى وعثمان بيه وافق لأنه كان معجب بيا وقتها وحاول معايا كذا مرة قبل ما نتجوز بس أنا كنت برفض ولما محسن طلب منه وافق على طول بس الجواز كان فى السر ومفيش حد كان عارف الا احنا ومفيش حد من عيلته حتى عنده خبر بالجواز ده واتجوزنا فعلا واطلقنا بعد تلت شهور بس بعد ما أطلقنا عرفت انى حامل فى شهرين وساعتها انا ومحسن قولناله بس هو رفض اللى ف بطنى واتبرى منه وقال إنه هيدينا فلوس كتير بس هددنا لو حد عرف أن اللى ف بطنى ابنه أو بنته ھيقتلنا وبعد كدة رجعنا انا وجوزى لبعض واتولدت عشق بعد سبع شهور بس هى كانت بتفكرنا بعثمان بعد ما غدر بينا وبطل يبعتلنا فلوس وأنه ممكن يقتلنا بسببها لو حد عرف انها بنته وفضلنا مخبيين الموضوع ....بس هى دى كل الحكاية
زياد اهدى يا سليم .....استهدى بالله بس كدة واحنا هنلاقى حل بس انت اهدى
سليم بصړاخ اهدى ازاى قولى اهدى ازاى ...البنت الوحيدة اللى حبيتها فى حياتى تطلع بنت اكتر إنسان بكرهه
زياد اهدى يا سليم هى ملهاش ذنب
زياد يا سليم هى متعرفش أنه ابوها حتى
سليم بس هيجى يوم وتعرف
زياد انا رأيى إنك تنسى الكلام ده وتكمل حياتك معاها زى ما هى ماشية
زياد طب انت ناوى تعمل ايه
سليم مش عارف
زياد طب فكر كويس يا سليم علشان متخدش قرار ټندم عليه وافتكر إن مراتك ملهاش ذنب هى مظلومة زيك بالظبط .... أنا آسف مضطر اسيبك دلوقتى علشان عندى مأمورية وهرجع كمان اسبوع كدة
سليم ولا يهمك ترجع بالسلامة
زياد
متابعة القراءة
