عمي ضيع اختي

كنب خشب قديم وفي ست كبيره قاعده هناك..
علي
يا ام ابراهيم خدي البتين دول بيتيهم في اي اوضه هنا لحد ما اجي الصبح واشوف هوديهم فين...
ام ابراهيم 
حاضر يا استاذ علي من عينيا...
مشي علي ودلال قالت لاميره
اميره انا جعانه اوووي..
اميره 
حاضر يا حبيبتي لو سمحتي يا ام ابراهيم ما فيش مكان هنا نقدر نجيب منه اكل..

ام ابراهيم 
هو في بس اصبرو شويه النور ينور لاحسن الشارع مليان ولاد حرام دلوقتي وانتي واختك تقولو للقمر قوم واحنا نقعد مكانك ويتخاف عليكم..
اميره 
طيب اختي جعانه اووي ما فيش اكل هنا او حاجه تاكلها..
ام ابراهيم 
شكلك بتحبي اختك اووي معايا سندوتشات كنت جيباها لعيالي هاتو تمنها وخدوها..
اميره طلعتلها الفلوس وقالت
اهو اتفضلي..
ام ابرهيم
تعالو طيب ورايا اوريكم هتنامو فيها الاستاذ علي بيجي الساعه عشره..
اميره
حاضر..
ودخلتهم اوضة ما فيهاش غير كنبه واحده صغيره والدنيا برد فيها اووي..
اميره 
هو انتي ماشيه..
ام ابراهيم
ايوه انا ساعه وهمشي عشان ساكنه في الخان والمسافه بعيده من هنا اووي فالاستاذ علي بيمشيني بدري..
دلال
واحنا هنام فين بس دلوقتي..
ام ابراهيم 
وحده تنام ووحده تصحي تخلي بالها من المكتب..
اميره 
نامي انتي يا دلال انا مش جايلي نوم والله..
دلال
طيب خدي كلي يا اميره..
اميره 
هاتي واحد بس وكلي انتي الباقي انتي جعانه اووي..
واكلت دلال ونامت وكانت بردانه اووي فغطتها اميره بالجاكيت بتاعها وقعدت هي بالبلوزه الخفيفه وهي بردانه جدا..
وبعد شويه جه عمهم وكانت اميره نايمه علي الارض ودلال علي الكنبه..
علي
قومي يا بت منك ليها يلاا عشان اوديكم. شغلكم..
اميره
حاضر يا عمي بس وطي صوتك والنبي دلال پتخاف من الصوت العالي..
علي
طيب اخلصي يا اختي منك ليها..
واخدهم عمهم وراح بيت كبير زي القصر وقال لاميره..
علي
يلا يا اميره ادخلي انتي هتشتغلي هنا..
اميره 
معلش يا عمي بس خلي دلال تدخل الاول انا عايزه اطمن عليها الاول..
علي
طيب اي وحده فيكم تروح وتخلصوني..
البواب
لا انا عايز الشاطره اللي فيهم يا استاذ علي..
علي
الاتنين اشطر من بعض يا عوض دول بنات اخويا واضمنهم برقبتي ولولا اني عارف الجماعه اللي جوه كويسين ما كنتش هجيبهم هنا..
البواب 
طيب والتانيه دي هتوديها فين..
علي
التانيه رايحه الفيلا بتاعت مكرم بيه..
البواب
لا صح عرفت تختار مكرم بيه سمعته زي الجنيه الدهب ما يتخيرش عن الجماعه هنا..
علي
اومال يا جدع دول بنات اخويا ومش هنوديهم اي مكان وخلاص..
البواب
خلاص روح انت شوف حالك وتعالي يا حلوه معايا..
دلال 
ما اسميش حلوه اسمي دلال..
البواب
طيب تعالي يا دلال..
اميره
خلي بالك من نفسك يا دلال وهبقي اكلمك اطمن عليكي..
دلال
حاضر يا اميره مع السلامه..
ودخلت دلال البيت اللي كان حلو جدا وقابلتها ست كبيره وقالت..
ثريا
تعالي يا دلال وانت روح يا عوض..
عوض 
تحت امرك يا هانم..
وطلع عوض ودخلت دلال وقالت
هو انا هشتغل ايه بالظبط..
ثريا
انتي اول مره تشتغلي في البيوت..
دلال
ايوه يا هانم..
ثريا 
طيب ما تخافيش احنا مش هنشغلك في حاجه تتعبك او فوق طاقتك انتي بتعرفي تطبخي..
دلال
علي قدي شويه عشان انا لسه