سلفتي وحماتي
المحتويات
بقولها يا ابله سلوي دي اكبر مني بعشر سنين وغير انها في نظري اخت مش هقدر اتجوزها وهي كانت مرات اخويا..
الام
لييه هو حرام ولا عيب ده شرع ربنا يا حبيبي.. وبعدين اهو علي الاقل تربي ابن اخوك
خالد
ابن اخويا اهو مس مقصر معاه بس انا بحب واحده تانيه ومن حقي اتجوز اللي بحبها..
الام
وتطلع مين بقي دي اللي انت بتحبها وعايز تتجوزها..
بنت شغاله معايا في الشركه يا ماما..
الام
طيب هي تعرف انك عايز تتجوزها ولا لا..
خالد
لا انا قولت اقولك انتي الاول يا ست الكل..
الام
طيب يا حبيبي قولها وخد معاد من اهلها وانا من عيني دي لعيني دي معاك المهم راحتك..
خالد
ربنا ما يحرمنيش منك يا ماما.... وقام دخل اوضته وطلعت سلوي وقالت..
ايه بقي الكلام اللي انا سمعته ده يا ماما هو خالد هيتجوز غيري اومال انا كنت قاعده معاكم ليه من غير جواز عشان اربيلكم ابنكم..
الام
اقعدي يا بت انتي ووطي صوتك خالد مش هيتجوز غيرك ابني وانا عارفه ازاي هجيبه خلينا بس ناخده علي اد عقله..
سلوي قعدت وقالت
ماشي يا حماتي اما نشوف اخرتها معاكي ومع اللي في بالك..
اطمني انا مستعده اعمل اي حاجه بس ابن الغالي الله يرحمه ما يبعدش عن حضڼي..
سلوي
انتي عارفه ان سي خالد راجل وجدع وانا بعد مۏت جوزي الله يرحمه ما بقاش يملي عيني غير سي خالد..
الام
وانا هنولهولك يا حبيبتي بس الصبر وخلينا نشوف مين بقي الست. اللي لعبت علي ابني وعايزه تخطفه مني...
_وتاني يوم في الشركه كنت مخلصه شغل وطالعه لقيت خالد في وشي..
استني يا ملاااك عايزك في كلمتين..
ملااك
نعم يا خالد في حاجه ولا ايه..
خالد
ملاك بصي انا بحبك وعايز اتجوزك وممكن اخد ىقم والدتك عشان اكلمها واجي اتقدملك...
ملااك
انت بتقول ابه يا خالد لو سمحت انا مش بحب الهزار ده..
خالد
والله العظيم انا ما بهزر يا ملااك انا بجد بحبك وعايز اتجوزك وتبقي في بيتي ما فيش هزار في الكلام ده..
بس انت ااا انت يعني هتتجوز واحده زيي ليه..
خالد
لا مش فاهم قصدك ايه يا ملاااك..
ملاااك
قصدي علي بشرتي يا. خالد ليه تتجوز واحده زيي..
خالد
طيب ده انا اكتر حاجه عجبتني فيكي بشرتك اصلا مخليكي مميزه في عيني.. ممكن بقي رقم مامتك..
_ اتكسفت واديته الرقم ورجعت البيت وقولت لامي كل حاجه وهي فرحت وقالتلي..
ايوه كده هي دي الاخبار اللي تفرح بس هو شكله حلو وصغير..
ملاك
ايوه يا ماما ده عنده يجي 33 سنه وزي القمر وابن ناس ومحترم جدا..
منال
اومال يعني بصلك انتي ليه..
علام
جرا ايه يا منال ما تنقي كلامك هي بنتك قليله يعني..
منال
الله هو انا كل ماقول كلمة تدافع عنها يابابا هي عملاك المحامي بتاعها
علام
بلا محامي بلا زفت ده انتي ياشيخة بقيتي مفترية
ملاك
خلاص ياجدو انا اتعودت على كده من ماما خلاص
علام
سيبك منها تعالي تعالي ندخل اوضتك واحكي لي عن العريس الحليوه ده
ودخلت انا وجدو اوضتي وقولتله
ده بقا ياجدو يبقا زميلي في الشغل وانا بصراحة كنت معجبة بيه من زمان وكنت فاكرة اني مش في باله وكنت بحسب انه حب من طرف واحد وفجأه كده لقيته بيقولي انه عايز يتجوزني مش عايزة اقولك فرحت اد ايه ياجدو
علام
ربنا يسعد قلبك ياحبيبت جدو بس يارب يطلع ابن حلال ويعرف يصونك
ملاك
بصراحة ياجدو هو طيب اوي وحاسه اني هكون مبسوطة معاه
علام
طيب الحمد لله انك مرتاحة له
وجه خالد ومامتة ودخلو اقعدو وسمر دخلتلي الاوضة وقالت
قوليلي بقا يا ملاك هو انتي عملتي عمل للواد الحليوه اللي قاعد بره ده ولا عملتي ايه بالظبط
ريم
عمل ايه وكلام فاضي ايه اللي بتقولي عليه ده ياسمر هي ملاك بتاعت الكلام ده برضو
سمر
انا بس مستغربة هي وقعته ازاى بس وهو نفسه بصلها على ايه ده الواد زي القمر
ريم زعقت وقالت
سمر خلاص اسكتي خالص بقا وكفاية كلامك ده واتفضلي روحي اقعدي مع الناس
كل ده وانا ساكتة ودموعي نازله
سمر
طيب ياختي اديني رايحة اهو كتكم الهم انتي وهي
منال
في ايه انتو پتزعقوا ليه صوتكم واصل لحد بره يلا يا ملاك عشان تطلعي تقدمي العصير للناس يلا
ودخلت عند خالد وامه اللي قاعدين في الصالون مع جدو وماما واخواتي وماما قالت
تعالي ياملاك قدمي العصير لوالدت الاستاذ خالد اللي هتبقا حماتك
حماتي بصتلي پصدمة وقالت
متابعة القراءة
