روايه مصېبتي الحلوه
المحتويات
قول واحدة
يوسف هاقول ثلاثة..
الأولي شاب كاريزما حليوة مافيش منه اتنين
الثانية صاحباتك هاتحسدك عليا
الثالثة الاستقرار والحب والسلام والسعادة اللي هاقدمها والعيال المقطقطين اللي هايكونوا شبهي
والرابعة من عندي ..
انك تتجوزي يوسف راضي شخصيا بنفس ذات نفسه
ضحكت ملك .
ابتسم يوسف عارفة اني بحب ضحكتك اوي وعينيكي بحس أن عينيكي بتضحك معاكي
بيقف يوسف وبيشاور لها علي دماغها
فرصة ما تتعوضش فكري .ها فكري
ملك طيب يلا
بيطلع وبيقفل الباب وبيفتح تاني
فكري واخدة بالك فكري
ملك يوسف عاوزة انااااااام
بيقفل الباب وهي بتتنهد وبتحط المخدة فوق دماغها ..
بيمشي يوسف وبيقرب من أوضة يامن ..
يامن عارف انك زعلانة مني يا روح قلبي عشان ماكلمتميش بس انتي ماتعرفيش ايه اللي حصل لي
قولتلهم بلاش تعصبوني بلاش عشان ما ازعلكمش دخلوا بقلب جامد مسكتهم عجنتهم في بعض إنما واحد منهم غدار جه وانا مشغول بضړب التانيين ضاربني علي دماغي
بس انا كنت اسد كملت ضړب فيهم واما اتطمنت أنهم اتكسحوا اغمي عليا بقا عشان الضړبة اللي في دماغي !
مشي يوسف ودخل اوضته
مسك البوم صور وقعد يقلب فيه ..
يوسف بحاول أبان اني عادي بس وحشتوني اوي وحشتيني يا ماما وحشتني يا بابا اوي اوي
____________________________
وفي أوضة يامن بيكمل كلام
يامن بكلمك بقالي شهر مش عاوزة تقولي انت مين برده أو نتقابل !
_قريب يا يامن قريب هاتعرف
بيدخل بهجت بعصبية أوضة مني
مني بعصبية انت اټجننت يا بهجت ازاي تدخل من غير ما تخبط
بهجت عبير فين يا ماما
مني راحت تريح أعصابها يومين من اللي بتشوفه منك
بهجت بعصبية مش عند اي حد مش عند ابوها أو اخوها مش عند حد من صحابتها راااااحت فييييين ..
بيكون بهجت واقف متعصب ومش عارف عبير راحت فين
مني ازاي الكلام ده ! طب ممكن تكون نزلت في أوتيل ولا حاجة
بهجت قعد عالكرسي ومسك دماغه
مني اهدي هاترجع ما تخافش دي عبير بتحبك ومالهاش غيرك
بص لها وهو ساكت وقام خرج من الاوضة ودخل اوضته بعصبية وهو بينفخ
بهجت انتي فاكرة اني هاسيب شقي عمري بالساهل كده والله لو فيها موتك يا عبير
بتكون فرح واقفة في البلكونة مش واخده بالها من مازن اللي واقف بيبص ليها مبتسم
بتدخل أمها وبتلاحظه فبيتحرج ويمشي ..
فرح بتتعصب مافيش فايدة في الزفت ده
بتضحك أمها
يابت رايدك وطلبك كتير وانتي اللي رافضاه ما هو كسيب وأيده تتلف في حرير واهم من ده كله بيحبك وهي الوحدة عاوزه ايه غير راجل يحبها
ضحكت فرح بسخرية
وانا هاكل الحب لما اجوع واتغطي بيه لما أبرد الحب ما بيأكلش عيش .
انا مش هاطلع من الهم اروح هم تاني انا عاوزه أعيش يا ما تعبت ما الناس عايشة في فلل وقصور اهو وحياتهم زي الفل اشمعنا احنا !
_ارزاق يا بنتي ومقسمها الخلاق
فرح والله ما يستاهلوا النعيم ده !
_ ما يمكن فلوسهم هي اللي تعباهم اللي أعرفه ومخليني راضية اوي بحياتي وحامدة ربنا عليها أن ربنا عاطي لكل واحد 24 قيراط ومقسمهم ليه صحة وستر وفلوس وعيال وراحة بال واحنا الحمد لله ربنا مبارك لنا في كل حاجة حتي الفلوس اللي مش عاجباكي سترانا احسن ماكنا نجري علي مستشفي المړض الخبيث ولا الله لا يقدر يطلع حد فينا عليل الحمد لله انا راضية علي كل اللي يجيبه بس أنا سعيدة ومبسوطة وراضية بحياتي وانتي لازم ترضي عشان ربنا يكرمك
فرح بصت علي شكل الحارة
هارضي ياما بس لما نطلع من الحارة المقرفة دي ونروح مكان احسن لأني تعبت
_طب ادخلي نامي يلا الوقت اتأخر عندك شغل
فرح طيب .
__________________________
ملك ملك
بتبص ملك حواليها بتلاقيها في نفس المكان اللي شافته في الحلم
الرمل ابيض والضوء اللي حواليها مش ضوء شمس كأنها علي كوكب تاني وسمھاه خاليه من اي لون
بتلاقي جيهان واقفة في مكان ورجلها زي ماتكون غارزة
متابعة القراءة
