جوزي صعيدي

الظلاج يافواز وهاخد بتي وامشي من اهنه
فواز
انتي بټهدديني ياكريمة طييب لما اشوف اخرتها وياكي انتي وبتك
وبعدها بكام يوم جه يوم الخطوبة وهاشم قال لفواز
مش المفروض اني اجعد ويا العروسة ياعمي فواز ولا ايه
فواز
حاضر ياهاشم ماهو من حجك برضك انك تشوفها وتتكلم وياها لحظة واحده بنادي عليها
وبعدها بشوية دخلت عليهم ليلى وكانت مكشرة وفي ايديها صنية العصير ودخلت قالت
سلام عليكم العصير يابوي
فواز
حطيه على الترابيزة واجعدي يا ليلي
شافها هاشم وفضل باصص عليها وامه كانت قاعده وقالت
اهلا ياعروسة ولدي ايه انتي هتفضلي مكسوفة أكده ماتتكلمي
ليلى
اتكلم اجول ايه اني مليش كلام في وجود ابوي هو اللي يجول على كل اللي هو عايزة
هاشم
ونعم الادب والأخلاق شوفتي ياما العروسة زينة ومؤدبة كييف
الام
ايوه اومال ايه ياولدي ربنا يكملها بعقلها انشالله وتكون في دارنا هادية وخلوجة أكده علطول
فواز
اني بتي متربية زين يا ام هاشم وهتكون مطيعة في كل حاجة وانتي طبعا هتكوني امها التانية مش أكده برضك
الحما
ايوه اومال مش هتبجي مرات ولدي لازم احطها في عيوني
هاشم
و دلوك ياعم فواز اني عايز اعرف طلباتك ايه واللي العروسة تؤمر بيه يتنفذ جولي ياعروسة نفسك في ايه واني انفذه طوالي
ليلى.
ماني جولت مره اني معايزاش حاجة واصل واللي ابوي يجول عليه هو اللي يتنفذ وبس انما اني مليش صالح بحاجة
هاشم
طيب خلاص ياعم فواز دلوك نجرا الفاتحة والخميس الجاي كتب الكتاب وبعدها نبجا نعملو الفرح
ردت ام ليلي وقالت له
بس مش أكده هيبجا بدري جوي ياهاشم احنا لسه مجزهناش حالنا ومجبناش حاجة للعروسة في الجهاز
هاشم
اني عايز العروسة بشنطة هدومها ياحماتي اني هجيب لها كل اللي هي تجول عليه وانتو متشغلوش بالكم بحاجة واصل
فواز
كيف يعني ياولدي دي بتنا الوحيدة ولازم برضك نجيب لها احلى شوار عروسة ونخلي الناس كلاتها تحكي وتتحاكي على جهازها
الحما
والله اللي تشوفه ياحج فواز اني ولدي كان جصدة انه شاري بتك ومعايزش يكلفك واصل ولا ايه هاشم
هاشم
كلامك صوح ياما اني فعلا معايزش اغرم حمايا حاجة واصل
فواز
خلاص ياولدي احنا في مقدورنا هنجيبة وانت كمان متجلش على حالك اني عارف الشباب الله يكون في عونكم ويقويكم على الايام دي
هاشم
خلاص يبجا اتفجنا ودلوك اني هعدي بكرة على العروسة عشان تروح تجيب الشبكة وامي معانا جولتو ايه
فواز
حولنا على بركة الله ياولدي نجرا الفاتحة
وكلهم بقو يقروا الفاتحة ماعادا ليلى اللي كانت عماله تبص عليهم وهي حزينة ومش عايزة الجوازه دي
وعدت الايام وجه يوم كتب الكتاب والماذون قال
دلوك ياهاشم انت مش هينفع تكتب كتابك على ليلى بت فواز لأنها لسه صغيرة وسنها بيجول انه لايجوز لها جسيمة جواز
هاشم
كيف الكلام ديه يامولانا يعني ايه اني معارفش اتجوز ليلى لاه انت لازم تشوف حل للحكاية ديه
الماذون
ماني جولت لك ياولدي مفيش جسيمة جواز يعني انت دلوقتي هتبجا جوزها ولاكن من غير جسيمة تبجو جوزين بالاشهار بينا دلوك
هاشم 
يبجا أكده زين جوي يامولانا يلا أشهر جوازي عليها
فواز
طيب وبكده هيبجا الجوازه صحيحة ياشيخنا انت متأكد
الماذون
ايوه يافواز هتبجا سليمة وبكده هاشم يبجا جوز ليلى بتك بالورجة دي لكن جسيمة جواز لاه مش نافعه
فواز
نورتنا يامولانا مع الف سلامه ياشيخنا
ومشي الماذون واتبقي فواز وهاشم وعم فواز ورجلين كمان وفواز قال
دلوك انت مش متجوز بتي بجسيمة يبجا الموضوع ديه محدش يعرفه واصل ياهاشم انت دلوك جوز بتي على الورج وبالاشهار تمام
هاشم
ماشي ياعمي اللي تشوفه هنعملو بجا الفرح بكره واخد عروستي من اهنه ماشي
فواز
ان شاء الله ياولدي وعلى خيرة الله
وبعدها بيوم وفي يوم الفرح ليلى كانت بټعيط وهما بيعملو لها المكياج وامها دخلت عليها وقالت لها
كيفك يا ليلي هو انتي لسه معايزاش تبطلي بكا يابتي عيونك هتروح من كتر البكا أكده كفايه بجا اللي انتي عملاه في روحك ديه
ليلى
يعني اني لو بطلت اللي اني عملاه في روحي مش هتم الجوازة دي ياما اني عارفه اني مهما اعمل مفيش فايدة فسبيني ياما الله يخليكي
كريمة
ربنا يهديكي يابتي ويصلح حالك ويكرمك انشالله يارب
وعدي اليوم ودخلت ليلى البيت عند هاشم واول لما دخلت امه طلعت لهم وقالت لها
اسمعي يابت فواز الدار دي ملهاش غير كابيرة واحده بس اللي هي اني انتي سامعه ولا لاه
ليلى
اني مفهماش حاجة يعني انتي عايزة مني ايه ياحماتي دلوك
الحما
اللي اني عايزاكي تعرفيه انك متعمليش واحدة اهنه وتفكري حالك بجا ليكي دار ولا حاجة عشان زي ماجولت لك الدار دي داري اني
ليلى
حاضر ياحماتي اللي تشوفيه اني هعمله لو عايزاني منطجش واصل وأفضل خارسة أكده حاضر هفضل خارسة
الحما
ياريت مانسمع حسك واصل وتفضلي أكده وكلمتي وكلمة ولدي هي اللي تمشي في الدار
ليلى
حاضر اللي تشوفيه
وفي الوقت ده طلع هاشم وقال
انتي اهنه ياما منورة والله في شجتي
الحما
ديه نورك ياولدي اني بس كنت بعرف العروسة هي ايه من اولها أكده عشان تعرف البيت دي ليه ست واحدة بس وهي اني
هاشم
طبعا ياما انتي اهنه الكل في الكل ياست الكل ولا في حد عنديه اعتراض ايه يا ليلي عندك اعتراض
ليلى 
اني معنديش اي اعتراض واصل وجولت لحماتي انه الدار دارها وهي حره فيها
الحما 
اني عايزاكي تنزلي من بدري أكده عشان تشوفي الدار محتاجة ايه يتعمل فيها وتعمليه اني سمعت أكده انك شاطرة حاضر اللي تشوفيه
الحما 
يبجا من النجمة تنزلي لي تحت وتشوفي طلباتي اني بحب اجوم الصبح بدري افطر عايزة اجوم الاجي الفطور جاهز وكل حاجة في الدار جاهزه انتي سامعه ولا لاه
قالت كلامها وسابتهم ونزلت وهاشم قال....
جوزي صعيدي جبار
الجزء التاني
هاشم قال لليلى
جرا ايه ياعروسة انتي هتفضلي واجفة عنديكي أكده ماتدخلي تغيري فستان الفرح ديه وتعالي عشان نتكلم كلمتين حلوين زيك أكده
ليلى
اني تعبانة وعايزة انام هدخل اغير خلجاتي وانام لاني مصدعة
هاشم
بتجولي ايه ياروح امك كيف يعني هتنامي دلوك ليه هو اني متجوزك عشان احكي لك حدوتة جبل النوم ولا ايه
ليلى
انت عايز مني ايه
هاشم
عايز حجي انتي مش مرتي ولا ايه ولازم اخد حجي منيكي ولا أبوك وامك مجالوش ليكي انك اتجوزتي وبجيتي في عصمة راجل اياك
ليلى
لاه اني عارفه اني اتجوزت وانك جوزي لكن الايام جايه كاتير واكيد هتاخد حجك زي ما انت عايز انما دلوك اني تعبانة ومحتاجة ارتاح
هاشم
وتعبانة من ايه ان شاء الله كنتي عتشتغلي في الفاعل اياك اسمعي يابت الناس انتي اهنه في دار جوزك اللي هو اني واني معحبش المره اللي تجولي لاه انتي سامعه
ليلى
يعني عايز دلوك
هاشم
جولت لك عايز حجي فيكي ادخلي غيري خلجاتك وتعالي اهنه جاري عشان نجعد ويا بعضينا
ليلى
يعني عايزني اجعد وياك وامك اللي عايزاني انزل عنديها من الفجر دي هعمل وياها اييه
هاشم
مانتي هتنزلي عنديها الفجر برضك بس لما اكون اني اخدت مزاجي منيكي وجتها ابجي غور على تحت
ليلى 
اني مش تحت رحمتك انت وامك ياهاشم اني جاية من بيت ناس مش من الشارع عشان تتحكم فيا أكده انت وامك وكمان من اول يوم ليا في الدار طيب كنتو سبتوني لحد لما ابجي عروسة ليا يومين تلاته مش من اول لحظة ليا في الدار امك تطلع تتحكم فيا وانت كمان تتحكم فيا
هاشم 
احنا هنتحكم فيكي بمزاجنا يابت
فواز انتي