مراتي بقلم هويدا
المحتويات
عيب كده وباركي لاختك هبه مبروك ياهبه مبروك يايوسف ربنا يفرحكم ان شاء الله
ليلى
انت كمان عايز تفرسني وبتبارك لهم انت ايه مش حاسس بزعلي على نفسي خالص يا منير
منير
خلاص حصل خير تعالي نروح نقعد في الكوشة الناس هتاخد بالها
وبعدها مشيت رحت الكوشة وماما قالت
الله يكون في عونك يامنير يابني
الاب
انا مش عارف البت دي طالعه لمين كده دي اختها حتى هاديه جدا
والله يا سعد ياخويا انت اللي دلعت البت دي على الآخر ربنا يهديها بقا لنفسها وتعقل كده وتحس بالمسؤولية اللي عليها
الاب
يارب يا نوال المهم انا مش عايزك تزعلي يا هبه من اللي اختك عملته ده انت عارفها يابنتي وعارفه طبعها
هبه
عارفه يابابا عشان كده مش هزعل منها طبعا ربنا يهديها ويصلح حالها
العمة
والله عاقله طول عمرك ياهبه طالعه لعمتك ياقلب عمتك ومرات ابني الغالي
ليه يانوال ماتقوليش طالعه لأمك بقا
نوال
مين دي اللي طالعه لأمها ياهاله طب ده هبه دي طالعة لي انا انما اللي طالعه لك البت السوسة اللي اسمها ليلى دي
هاله
شايف كلام اختك ياسعد بتقول ايه انت سامعها
يوسف
دي ماما بتهزر معاكي يامرات خالي متزعليش منها
هاله
ما أنا بحبها يايوسف عشان كده مش بزعل منها ولا من لسانها الطويل ده
ايه الأصوات اللي بره دي يامنير ده في شقتنا ده ولا ايه انا حاسه ان في ناس معانا
منير
ايوه يا ليلي دي ماما وبابا اللي بره ليه بتسالي ليه ياحبيبتي
ليلى
بسأل ليه يعني ايه وابوك وامك بيعملو ايه في شقتي في وقت زي ده وبعدين هما دخلو ازاى من مايستأذنو مني
يستاذنو ليه يا ليلي ده بيتهم هما هيستاذنو في بيتهم ولا ايه
ليلى
اه ياحبيبي بيتهم بس دي شقتي انا وهما لازم يحترمو صاحبة الشقه دي ولا ايه يابابا
منير
ابويا وامي قاعدين معانا في الشقه يا ليلي انا فاتح الشقه بتاعتنا على بتاعتهم وبكدة بقت شقة واحدة
ليلى
نعممم ياحبيبي فاتح شقة ايه على ايه يانهار اسود ازاى الكلام ده انت اټجننت يامنير انت هتسكن امك وابوك معانا لا انا مش موافقه على كده خالص انا ليا شقتي لوحدي وليا خصوصية ليا لوحدي
يعني انتي عايزاني اطرد اني وابويا دلوقتي يا ليلي انت قاصدك كده اوعي تقولي حاجة زي دي
ليلى
اه ياحبيبي انا اقصد كده وامك وابوك يروحو يشوفو مكان يباتو فيه يامنير على الاقل انا عروسة وعايزة اعيش يومين في شقتي براحتي
منير
وبعدين يا ليلي مينفعش كده دول مهما ان كان امي وابويا ولازم احترمهم مش كده
اسمع يامنير هو انا كده بقا اذا كان عجبك ياحبيبي والا اخد بعضي وامشي على بيتنا دلوقتي
منير
انا مش عارف هو انتي ازاي تطلبي مني كده وانا
كل ده فاكر انك محترمه ومودبه ازاى بس عايزاني اطرد امي وابويا
ليلي
بقولك اي انت دلوقتي جوزي والمفروض أن مراتك وتعملي اللي انا عايزه ولو محصلش الكلام ده انا ماشيه وسايبه البيت
منير
طيب خلاص انا هخليهم يروحو عند اختي بس اليومين دول عشان بحجة اننا عرسان بس بعد كده هيرجعو وهتعامليهم كويس انتي سامعة ولا لا
ليلى
ااا طبعا طبعا ياحبيبي
وخرج منير وسابها لوحدها وهي قالت لنفسها
قال يرجعو تاني قال ده بيتي ودي خصوصيات ومحدش يعيش معايا هنا ابدا انت بتهزر يامنير هاهاها
وخرج منير لامه وابوه
وقال لهم
احم بقولك ايه يا أمي أنا بقترح عليكم انتي وبابا تاخدو بعضكم وتروحو عند منى اختي يومين يعني
اصل ااا الصراحة كده ليلى مكسوفه اوي
متابعة القراءة
