ابويا اتجوز امك

ماما وخسرتك يحبيبي بس انت وحشتني اوي بجد .
نهيت كلامي مع صورته بعياط قفلت النوتة وحطيتها تحت دماغي وحطيت دماغي على المخدة وفضلت اعيط شهقات كانت بتطلع مني قادرة اكتمها لحد ما نمت ماعرفش ازاي .
ابتديت افوق لما حسيت ان الشمس كسرت خنقة الأوضة ونورتها كانت دموعي سكنت مخدتي وعلمت على وشي طلعت من اوضتي عشان ادخل الحمام شوفتها في نفس المكان قدام السفرة بترتب اطباق الفطار دخلت اخدت دوش سريع وغيرت هدومي وطلعت 

مش هتفطري برضو .
قالتها بنبرة باينة انها حنينة وهي بتقرب مني ف بعدت نسبيا واتكلمت وانا بحط شنطتي على كتفي 
_لا شكرا 
انتي مكلتيش من امبارح
_قولت مش عايزة بابا فين 
في البلكونة ي بن .. في البلكونة 
قطعت كلامها او بالمعنى صلحته قبل ما تقولي يابنتي افتكرت ردي عليها امبارح لما قالتها بصيت ف الارض ونفخت ب ضيق 
طلعت البلكونة كان قاعد على الكرسي بتاعه قصاد كرسي ماما وقدامه كوباية شاي بالنعناع زي عادته وزي عادتي كنت هقرب منه واسلم عليه بطريقتي بس رجعت ف لحظة بخطوات بطيئة اتنهدت وانا الدموع هتتجمع في عيني بس تلاشيتها واتكلمت
_بابا انا نازلة اكمل ورقي من الجامعة احتمال اتأخر ماتستنونيش 
اخلي يوسف ييجي معاكي 
قال جملته بعد ما انا نهيت جملتي ولفيت ضهري عشان امشي وقفني كلامه ف التفتله وقولت بضيق  
_ودا على اساس ايه عيلة صغيرة
لا ي آلاء بس ع اساس انه خطيبك وكمان يعرف ناس ف الجامعة عندك ممكن يخلصلك ورقك اسرع 
_شكرا مش محتاجة حد همشي علشان ما اتأخرش مع السلامة
نهيت كلامي وانا بطلع فوني من الشنطة وبحط عيني فيه قبل ما بابا يتكلم تاني ومشيت
................................................................
تو ماتش تأخير على فكرة !
كانت جملة يوسف اللي قالها وهو ساند ضهره على عربيته وبيشاور على ساعته كان واقف قدام بوابة الجامعة اول ما خلصت وطلعت شوفته بصيت بعيد بضيق واتكلمت
_انت بتهبب ايه هنا
مش بمزاجي ولا بمزاجك باباكي طلب مني استناكي واوصلك عشان عايز يقعد معايا .
_طيب تمام اتفضل انت عشان معادك معاه وانا هطلب اوبر 
قولت جملتي وانا بطلع فوني من الشنطة ف قاطع ايدي واتكلم
دا لما تبقي مخطوبة لسوسن 
_ودا لما تفكر انك خطيبي بجد ماتسوقش فيها عشان الموضوع مش مطول 
رفع كتافه بحركة عفوية ومط شفايفه  
طيب هنشوف بس دلوقت اتفضلي اركبي عشان ما تأخرش على باباكي .
نفخت بزهق وفتحت باب العربية وانا متعصبة طلعت الفون واتلهيت فيه وهو اتلهى في السواقة جنب مني قطع الصمت الرهيب اللي كان بينا صوته بعد ما اتنهد وقال .
ينفع اسألك كنتي بتقدمي على ايه
على قد ما حسيته متطفل على حد ما حبيت انه اهتم.
_ومين قالك اني بقدم 
يعني اللي اعرفه انك مخلصه الكلية من بدري ف اكيد مش جاية تسحبي ورقك دلوقت ولا انا تخميني غلط 
_لا مش غلط .
لو مش حابة تحكيلي براحتك كدا كدا مش هتخسري حاجة 
_لا عادي أنا بس كنت بقدم على دبلومة 
مش انتي اصلا عاملة دبلومة في مجال medical sciences عشان المركز اللي عايزة تعمليه ليه هتقدمي على دبلومة تانية 
استغربت للحظات انه عارف حاجة زي دي بس تلاشيت التفكير واقنعت نفسي ان يمكن والدته او بابا قايلينله  
_دا حقيقي بس لقيت ان المركز هيحتاج مني وقت ومجهود وميزانية مش متاحين معايا دلوقت ف حسيت اني هركن شهادة الدبلومة على الحيطة جنب اخواتها ولقيت الكلية من فترة منزلة انها اتاحت فرص التقديم على دبلومة في مجال الحقن المجهري مجال الشغل فيه كويس ومتاح ومش متعب زي المركز قولت اهي حاجة جانبية لحد ما اكون قادرة اقوم المركز .
ماشاء الله ربنا يكملك على خير انتي تفكيرك حلو الناس اللي بتحب دايما تتطور وتنمي مهاراتها وتعليمها مع الوقت بتعمل انجازات حاسس انك منهم .
حسيت من نبرة صوته بحماس كانه بيحاول يحمسني او يشجعني ف ابتسمت وبصيت للشوارع من ازاز العربية
_شكرا
وصلنا .
اول ما دخلت البيت وهو راح يسلم على مامته وبابا انا استأذنت اني هدخل اوضتي وقاطعني صوت بابا
استني ي آلاء اقعدي معانا 
_معلش يابابا بس تعبانة ومحتاجة ارتاح 
لا معلش انتي استني لازم نتكلم في حاجة مهمة .
ماقدرتش اهرب من اصرار