دكتور الفصل الاول
مين الي واقف ورايا
واتفاجئت ...
بانه عنتر عامل المشرحة
وفضلت ابصلة وانا مندهش
وبسال نفسي
معقولة عنتر سليم
لكن ازاي
دنا قټلتة امبارح
ولقيت عنتر
بيقولي...
كنت عايز حضرتك في خدمة يا دكتور عمرو
بصيت علي جسم عنتر كويس
وسالتة
قلت...انت كويس يا عنتر
ابتسم عنتر
وقالي
الحمد لله انا في نعمة
شكرا لسؤالك يا دكتور
وفضل عنتر يتكلم ويقولي علي طلبة
وسالت نفسي
ازاي عنتر سليم ومفيهوش خدش حتي
وازاي مفيش اي قلق في المستشفي
بسبب الولد الي سكر خطفتة وقټلتة
وبعد ما عنتر خلص كلام
سالتة
قلت..عملت ايه في چثة المولود يا عنتر
رد عنتر بتعجب
وقالي..اي چثة واي مولود
مش فاهم حضرتك تقصد ايه
قلت..چثة المولود
الي انا استلمتها منك امبارح باليل
وقالي..چثة ايه يا دكتور سلامتك
انت مستلمتش مني چثث
استغربت من الي بيحصل
وسيبت عنتر وروحت ادور علي سكر
لكن ملقتهاش
فسالت...الممرضة نوال
قلت..متعرفيش فين سكر يا نوال
ابتسمت نوال
وقالت
سلامتك يا دكتور ما السكر ادامك اهوه
وشاورت علي السكرية
بصيتلها پغضب
وقلت..انتي هتهزري معايا ولا ايه
بقولك فين الممرضة سكر
وقالت.. سكر مين
مفيش في المستشفي كلها ممرضة اسمها سكر
بصيت لنوال وافتكرتها بتقول اي كلام
لكن لما خرجت وسالت عامل الاستقبال
اتاكدت فعلا
ان مفيش في المستشفي ممرضة اسمها
سكر
وقلت لنفسي
ازاي
انا متاكد ان كل الي حصلي ده كان حقيقي
وسكر كلمتني فعلا
وكانت معايا امبارح طول الليل
معقولة كل ده كان حلم
طيب ازاي
و بالتفاصيل دي
المبرر الوحيد للي بيحصل ده هو اني اكون اټجننت
ايوه انا اكيد اټجننت
ولقيت نفسي
ماشي وانا بكلم نفسي
وافتكرت كلام ام تغريد
لما قالت
انها هتخليني امشي اكلم نفسي
طبعا عارف انكم مش مصدقين الي حصلي لغاية دلوقتي
انا كمان مكنتش مصدق الي بيحصل
لكن الي حصلي بعد كده كان اغرب مليون مره
انا خرجت يومها من المستشفي
وركبت الميكروباص عشان ارجع لبيتي
وانا مش عارف ايه الي بيحصلي
ولا عارف نفسي صاحي
ولا نايم
الصورة في عنيا مهزوزة
وافكاري مشوشة....
و فاقد التركيز
التفكير هيقتلني
وكنت عايز انام باي طريقة
ومن شدة الصدمة الي كنت فيها
كنت حاسس اني مغيب وفاقد التركيز
و مكنتش واخد بالي
قاعدة جنبي في الميكروباص
ومكنتش هاخد بالي منها اصلا
ومبقتش قادر استجمع تركيزي
عشان ارد عليها
او حتي عشان افهم في ايه
ولا ليه هي بتعمل كده اصلا
المهم..وقف الميكروباص
ونزلوني منه بالضړب والاھانة
ولما بصيت علي هدومي لقيت عليها دليل ادانتي فعلا
وعشان كده ...كان الجميع متعاطف مع البنت
ولقيت كل الي في الميكروباص بيشتموني وبيضربوني
واخدوني لقسم الشرطة
بعد ڤضيحة ...وپهدلة ما قبلها ولا بعدها
وفي القسم...
اتوجهتلي
تهمة التحرش
ومبقتش فاهم ليه ولا ازاي
انا بيحصلي كل ده
واتصلت باابويا الي حضر بسرعة وجاب محامي
وطبعا انكرت الاتهام المتوجه ليا
وقلت محصلش
لكن دليل الادانة الي علي ملابسي
كان كفيل بانه يكدبني
وكان الحل الوحيد ان الطب الشرعي هو الي يفصل في المسالة دي
لاني فعلا ملمستش البنت مود يسمح بكده
امال ايه الي كان علي هدومي ده وجه منين
وفضلت منتظر تقرير الطب الشرعي
الي هيبرئني من التهمة الشنيعة دي
وينقذ مستقبلي المهني..
وينقذ سمعتي ادام اهلي...
وزوجتي ...والجيران ...والناس كلها
ومر الوقت بطيئ وانا بنتظر تقرير الطب الشرعي
و بعد فترة
وقفت تاني ادام وكيل النيابة
وكان واضح ان تقرير الطب الشرعي بين ايدية
وفضلت واقف بتوسل للثواني عشان تمر
واعرف نتيجة التقرير
ولقيت وكيل النيابة
مسك التقرير
وقالي...
تقرير الطب الشرعي بيقول..
تابعني عشان يوصلك الحلقات الجديده
محمد خلف صالح .. كاتب الجيل
